O keshajo kraly

Kon prastal ratyi andej balval?
Jekh mursh po grast ingrel shaves anglal
Kade ferojles: balval na reseles
Astareles, bida na te aveles.

Muro shavo, sostar cirdestu mande?
,Chi dikhes, dade, biuzhe kralyes?
Pe lesko shero kuruna si’
„Muro shavo muglya si kodi”

„Muro shukar shavo,avtar manca:
but luludya si,shaj khelestu sanca
zhanav but shukara khelimatura
muri dej deltut somnakune gadora.”

,Chi shunes, dade, alava lokhe
biuzho kraj, xoxavelma kothe…’
„Muro shavo, ashtar, na dara,
e balval phurdel andel bara”

„Muro shavoro, avtar, kodo kamav:
dikh,mure shejan zhukaravav,
khelen kodol kana shonut pekela
sovjarna tut ratyi te avela.”

,Ta chidikhes, haj dikh kothe, dade
keshaja sheja, zhukren pemande. –’
„Muro shavo, muro shavo, apol
dikhav, sa, pajale kasht abjon.”

„Kade fajos mange skumpo shave!
Phen, ,aves manca, ingravtu, ake zorasa?”
,Na muro dad, na mukhma
tordyuv, biuzho kraj xutyilelma.’

Grozolpe o mursh, thaj tradel le grastes
ondyal o shavoro, tradel maj dur
kothe resel, dukhal lesko duxho
andej angalya,shavoro mulo.

Nagy Gusztáv fordítása