La kalya brigako romanco

Andaj ratyi barr-nakhesa
o bashno raza hunavel,
bara brigasa pal plaja,
Soledad Montoya avel.
Tato xarkom lako trupoj;
sa grasnyaki sung malavel.
Pishat-thuv si lake chucha .
saven le gilyora vazden.
Saledad, vare kas rodas
pe ka-j kalyi zoril-avel?
Sa jek kadi ke kas radav,
tut kodi soski grizha del?
Rodav kodi, savi feri
me korkori shaj garavel,
ba vare kaj shaj arakhav
muri vaja, haj le shaven.
mure gindongi shej, tu, tu,
te dilyal o grast fuga lel
zhi kaj e darija, kaj merel,
lesko traja le paja len.
Paj darija na vorbisar,
ke kothe kalyi dukh avel
te/a le ulaj-kashtara,
tela le zeleni patre.
Sa phabarel tut Saledad,
saski dukh, saske jagake?
0 shut del kasavi zumi,
soski tye jakha pittyaren.
Saj kadi dukh! So nashkerav,
mure chunri, le but kale
o zido shudel palpale,
sorra dyes a11de kado kher.
Saj kadi dukh, vare, vare!
Muro dyi, haj vi muro gad
izdradyon mure pashvare,
mure pulpi le rugoske
soske shaj kerdyanpe vare!
Soledad, pachirta-paji
shar pe tyo trupo, bater.
De pacha aba tye jiles
Saledad Mantaya, na ker.

Kaj xar o paji sipetyol,
patrin haj nara garavel.
Dudum-luludyi e raza
ande somnakaj sharavel.
Ramanyi dar haj bari dukh,
punej /urna phabal sa jek.
Dukhasa pherdyi tehara,
briga le bare pajeske!

Choli Daróczi József fordítása