La romnyako pushipe

Sas ek romnyi, thaj lako rom phanglo sas andej robija. Voj, e chorrori korkorri ashilas le shavorenca. Phari butyi sasla biromeski. E romnyi ushtyilas thaj gelas kej kris te mangel le bare manushen te mukhen avri peske romes. Phendas lake o mujalo:

– Mishto-j, romnya. Avri mukhav tye romes, te shaj keres pherasa manca thaj me chi zhanav, so te phenav pe tyo pushipe. E romnyi avilas peske khere, thaj lelas te gindyisarelpe, sosko pushipe te delles.

De sigo le shave bokhale avile, thaj e romnyi gelastar te phirel gav gavestar, mangindos manro. Sar o kham pashlyilas, beshlas tele tela ek podo, thaj phanglas peske ek kotor manro. Lelas te xal, thaj das chuchi le shavoreske. Xalas, xalas e romnyi, thaj ek piko manro pelas ando paji thaj le mashe nakhade­ les.
Thaj atunchi avile le chirilye, save opral pe late huranas. Vi von kamenas te xan. Savore mangle te xan. E romnyi dikhlasle, thaj shudas ek kotor le chiriklyenge.

Po dujto dyes e romnyi pale avilas andej kris, thaj kothe phendas la bare manusheske:

– Raja, aketa, andom tuke pherasa. So so kodi: xos, xalas mandar, xanas tele man, xanas opral pe man.

O mujalo gindyilas, gindyilas but, de chi zhanglas, so te phenel. Thaj atunchi phendas:

– Romnyi, phen avri tyo pushipe. Te chachipe situ, atunchi mukhav tuke khere tye romes.

– Mi shto-j, bare raja. Shun akanak! Xos me – beshos thaj xos manro. Xalas mandar – dom chuchi mure cine shavoreske te pijaravles. Xanas tela man – xanas tele man le mashe. Xanas opral pe mande – dom ek kotor manro le bokhale chiriklyenge. Sa vore kamen te xan. Sako zhuvindo mangel te xal.

Thaj atunchi o mujalo dikhlas, ke e romnyi chachipe phendas. Thaj o raj mukhlas le romes te zhal khere peska buzhanglya romnyasa.

(Eredeti megjelenés: ROM SOM, 2006)