Le shel guruvnya

Sas ek rashaj, kon phendas le gavutnenge te den daro leska khangerake shukar t’avel. Kodolenge, save dena, o Baro Del palpale shelvar. Le gavutne ande leste khajnya, papinya, guruvnya. De kana rudyisarde le Devleske te del lenge

shel, so avilas? Khanchi. 0 rashaj kidas peske injavardesh thaj inja guruvnyan,
thulyarde khajnyan thaj papinyan. Agore, barvajlas.

Pe’k dyes roma resle le gaveste penge cerhanca, thaj bujhardele pel gavesko agor. Kurke detehara le romnya gele ando gav te phabaren memelya andej khangeri, thaj te chumiden le devlikane kipura. Kothe shunde, so phendas o rashaj. Avindos khere, mothode le romenge, so shunde.

Le romengo sheruno chamblas e butyi, thaj phendas peska romnyake:

– Shun kathe, romnya! Siame ek guruvnyi. Zhav thaj davla le rashajeske.

– Na! – cipindas e romnyi. – Soske kames te desles la guruvnya? Na ker dilyipe! So xan le shavora te naj thud?

– Na dara khanchi! Zhanav, so kerav – phendas orom. – O Del si baro, thaj pala kadi guruvnyi delaame shelen.
Thaj o rom ingerdas la guruvnya le rashajeske.

Mishto-j, de po dujto dyes le romeski guruvnyi kamlas te zhal peske khere. Siklyi sas te phirel le romenca. E guruvnyi puterdas o vudar peeke shingenca, thaj nashlyi avri. Thaj le injavardesh thaj inja guruvnya le rashejeske gele pala late.

Le shel guruvnya mukhle o gav, thaj sigo avile le thaneste, kaj le rom beshle. O sheruno dikhlas, so pelo, thaj phendas peske manushenge te astaren le gruvnyan thaj te phandenle shelenca.

Sar le rom line te astaren le guruvnyan, o rashaj avilo thaj kushlasle.

– Chorale, romale! Sostar line mure guruvnyan?

Thaj phendas o rom:

– Rashaja, raja, te phendan, ke kodoleske, kon del le devleske, o Del del palpale shelvar. Aketa, pala muri guruvnyi o guglo Del dasma shelen.

So shaj kerdas o rashaj? Gelo peske khere.