Nyevo bersh

O purano bersh nachilo,
Thaj o terno, kado nyevo
So avilo, te avel svunto, baxtalo.
Del tum o Del but pasura,
Roti ande le vurdona.
Grasten lolen thaj surronen,
Boran temen thaj shukaren.
Zhamutren, romane shaven
kaske dada sa barvalej.
Sa pe somnakaj te phiren,
Khanyan thulen te kiraven.
Rupune rojanca te xan,
Sa pel’ vorta droma te zhan.
Del tum o Del shukar khera,
Kamipe thaj bukurija
Pacha, losh thaj hatyaripe.
Ando nyevo bersh patyape.
Patyivale romen, gazhen,
Shavoren sasten, baxtalen.
Bax tavel tumaro skluga,
Sastyipe haj shukar luma.

Te del o Del,

Bater!